ابنا: ولايت نوے بحري فوجي مشقوں کے ترجمان ايڈميرل جنرل سيد محمد موسوي نے ان مشقوں کے چھٹے روز کي کاروائيوں کي تفصيلات پر روشني ڈالتے ہوئے بتايا کہ دشمن کي نشاندہي کے لئے گشت کا آپريشن جو طياروں اور ہيلي کاپٹروں کي مدد سے انجام پاتا ہے وہ شروع ہو چکا ہے اور شب و روز جاري رہے گا ـ انہوں نے بتايا کہ مشق کے اس آپريشن ميں کشتيوں اور طياروں کي مدد سے علاقے پر نظر رکھي جائے گي ـ
ايڈميرل سيد محمد موسوي نے فوجي مشقوں کے جھٹے دن کچھ غير متوقع مشقيں انجام ديئے جانے کي خبر دي اور بتايا کہ شناخت کے آپريشن کے دوران ايک طيارے نے مشقوں کي حدود ميں امريکہ کے ايک بحري بيڑے کي شناخت کي جس سے ثابت ہو گيا کہ مشقوں کے آبي علاقے ميں انجام پانے والي تمام سرگرميوں پر ہماري نظر ہےـ سيد محمد موسوي نے کہا کہ بحريہ کے طياروں اور ہيلي کاپٹروں کے ذريعے دشمن کي شناخت کے لئے آپريشن کے علاقے ميں موجود طياروں اور بحري جہازوں کي شناخت کي جاتي ہےـ
بحريہ کي يہ مشقيں آبنائے ہرمز کے مشرقي حصے سے شمالي بحر ہند تک بيس لاکھ کلوميٹر کے وسيع علاقے ميں انجام دي جا رہي ہيں ـ چار مراحل پر مشتمل يہ مشقيں تين جنوري کو اختتام پذير ہوں گي ـ
بحريہ کے کمانڈر ايڈميرل حبيب اللہ سياري نے بھي جمعرات کو ايک انٹرويو ميں بتايا کہ ايراني بحريہ کے طياروں اور کشتيوں نے ان جہازوں اور کشتيوں کي بھي نشاندہي کرلي جو خليج فارس کے علاقے سے گزر کر بحيرہ عمان ميں داخل ہوئي تھيں ـ انہوں نے کہا کہ ان جہازوں اور کشتيوں کي تصاوير اور ويڈيو کلپ تيار کي گئيں جس سے ثابت ہوتا ہے کہ فوج کے بحري شعبے نے علاقے پر مکمل کنٹرول کي صلاحيت حاصل کرلي ہے اور تمام سرگرميوں پر اس کي نظر ہےـ
ايڈميرل حبيب اللہ سياري نے کہا کہ علاقے سے باہر کے جہاز عالمي قوانين کے مطابق بحيرہ عمان ميں داخل ہوئے ہيں، وہ اس علاقے ميں داخل نہيں ہوئے جہاں ايران مشقيں انجام دے رہا ہے اور اگر کوئي جہاز اس علاقے ميں داخل ہوتا ہے تو اسے ايران کي بحريہ وارننگ ديتي ہے ـ ايران کي بحريہ کے سربراہ نے کہا کہ گزشتہ دنوں ايک ہيلي کاپٹر اور ايک بحري جہاز ايراني بحريہ کے مشقوں والے علاقے کے قريب آ گيا جسے وارننگ دي گئي تو وہ اس خطے سے دور ہٹ گياــ...............
/169
